3 мамырда Жаяу Мұса атындағы Ақсу жоғары көпсалалы колледжінде Павлодар облысы ТжКБ ұйымдарының өзге ұлтының 1 курс студенттері арасында көрнекті жазушылар мен ақындар Бейімбет Майлиннің, Сәбит Дөненаевтың және Сәкен Сейфуллиннің мерейтойларына арналған қазақ тілі мен әдебиеті пәнінен І облыстық олимпиада өтті.

Олимпиадаға біздің өңірдегі 16 колледждің студенттері қатысты. Ережеге сәйкес олимпиада екі турдан тұрды. Бірінші тур – тыңдалатын мәтін бойынша тестілеуден өту және ұсынылған тақырыптар бойынша эссе жазу. Бірінші турдың қорытындысы бойынша 10 студент олимпиаданың финалына шығып, қазақ классиктерінің шығармаларын мәнерлеп оқу қабілеттерін көрсетті.

Студенттердің білімі мен шығармашылық қабілеттерін келесі құрамдағы сараптамалық кеңес бағалады: Қайыр Батырбек, мәдениет, тілдерді дамыту және мұрағат ісі басқармасы бөлімінің басшысы; Ағалиева Нұргүл, филология ғылымдарының кандидаты, Әлкей Марғұлан атындағы Павлодар педагогикалық университетінің доценті; Сарыбаева Баян, филология ғылымдарының кандидаты, Әлкей Марғұлан атындағы Павлодар педагогикалық университетінің доценті.

Олимпиада қорытындысы бойынша бірінші орынды 1 - курстың ЭТО-1234 тобының студенті  Абубакаров Мумади иеленді (ғылыми жетекшісі – қазақ тілі мен әдебиеті пәндерінің оқытушысы Шевцова Нургуль Толегеновна.

Жеңімпазды құттықтаймыз және одан әрі жетістіктер тілейміз!